Pinagpala Publishing Services - Tomo I, Isyu III, Hulyo 2026

Pinagpala Publishing Services

Download PDF

View Full Issue

Submit Here

TALAAN NG MGA NILALAMAN:

BISA NG PAGGAMIT NG WIKANG CHAVACANO SA KASANAYANG EKSPRESIB SA FILIPINO NG MGA MAG-AARAL

LUNTIAN, Tomo I, Isyu III (Hulyo 2026), Pahina 1-5

BISA NG PAGGAMIT NG WIKANG CHAVACANO SA KASANAYANG EKSPRESIB SA FILIPINO NG MGA MAG-AARAL

Mennalyn A. Masillam

Western Mindanao State University

https://orcid.org/my-orcid?orcid=0009-0003-7608-9478

ABSTRAK

Sinuri ng pag-aaral na ito ang bisa ng paggamit ng wikang Chavacano bilang wikang panturo sa kasanayang ekspresib sa Filipino ng mga mag-aaral sa piling paaralan sa Lungsod Zamboanga. Gumamit ang pag-aaral ng kwantitatibo-kalitatibong pamamaraan at nilahukan ng siyam na pung (90) mag-aaral sa ikalimang baitang. Upang masukat ang kasanayang ekspresib, ginamit ang serye ng mga larawan mula sa English Expressways bilang batayan sa pagbuo ng salaysay na isinagawa sa paraang pasalita at pasulat. Ginamit ang mean at standard deviation sa pagsusuri ng antas ng kasanayang ekspresib. Batay sa resulta, nakakuha ang mga kalahok ng mean score na 10.374 at standard deviation na 1.129, na may palarawang interpretasyong mahusay. Ipinakikita nito na mahusay ang kasanayang ekspresib sa Filipino ng mga mag-aaral sa parehong pasalita at pasulat na paraan. Batay sa kinalabasan, mabisa ang paggamit ng wikang Chavacano bilang wikang panturo sa paglinang ng kasanayang ekspresib sa Filipino ng mga mag-aaral. Iminumungkahi na ipagpatuloy ang paggamit ng angkop na estratehiya sa pagtuturo ng pagsasalita at pagsulat at magsagawa pa ng iba pang estratehiyang makatutulong sa higit na pagpapaunlad ng kasanayang ekspresib sa Filipino.

Mga Susing Salita: Chavacano, wikang panturo, kasanayang ekspresib, Filipino, unang wika, ikalawang wika

BASAHIN

Tungkol sa Dyornal ng Pananaliksik:

LUNTIAN: Pambansang Dyornal ng Pananaliksik at Pag-aaral sa Pag-unlad ng Wikang Filipino

ISSN (Print): 3116-5435

ISSN (Online): 3116-5443

Ang LUNTIAN: Pambansang Dyornal ng Pananaliksik at Pag-aaral sa Pag-unlad ng Wikang Filipino ay isang akademikong publikasyon na naglalayong itaguyod at palaganapin ang mas malalim na pag-unawa, pagsusuri, at pagpapayaman sa wikang Filipino. Layunin ng dyornal na maging pangunahing plataporma para sa mga makabuluhang pananaliksik at talakayan ukol sa wika, kultura, at kaunlaran ng ating bayan.

Ang LUNTIAN ay isang peer-reviewed at refereed journal na nangangahulugang ang bawat pananaliksik na inilalathala rito ay dumadaan sa masusing pagsusuri ng mga eksperto sa kani-kanilang larangan upang matiyak ang kalidad, kredibilidad, at kahalagahan ng mga nilalaman nito.

Sa pamamagitan ng LUNTIAN, binibigyang-pugay ang kahalagahan ng wikang Filipino bilang pangunahing daluyan ng kaalaman, pananaliksik, at diskurso sa iba't ibang larangan ng karunungan. Hinihikayat nito ang mga mananaliksik, guro, mag-aaral, at mga propesyonal na magbahagi ng kanilang mga ideya, kaalaman, at natuklasan na makatutulong sa pagpapalago ng wika at kultura.

Ang dyornal na ito ay nagtatampok ng mga pananaliksik na tumutukoy sa mga sumusunod na larangan:

Lingguwistika at Wika
Panitikan at Kultura
Edukasyon at Pedagohiya
Agham Panlipunan at Humanidades
Mga usaping pangkaunlaran sa konteksto ng wikang Filipino

Sa pamamagitan ng LUNTIAN, hangad ng pamunuan nito na makapag-ambag sa patuloy na pagpapaunlad ng wikang Filipino bilang wika ng karunungan, pagkakakilanlan, at pagkakaisa ng sambayanang Pilipino.

LUNTIAN – isang simbolo ng buhay, pag-asa, at patuloy na pag-usbong ng ating wika at kultura.