Pinagpala Publishing Services - ANNYEONGHASEYO:Impluwensiya ng Kulturang Koreano sa Interes ng mga mag-aara

Pinagpala Publishing Services

World Education Connect Multidisciplinary e-Publication, Vol. VI, Issue VI (June 2026), pp.501-512

ANNYEONGHASEYO:Impluwensiya ng Kulturang Koreano sa Interes ng mga mag-aaral sa Hayskul

Awtor:

Catherine Lumanta, PhD ( Pangasinan State University- Infanta Campus)

Janice Carambas-Platon, PhD ( Pangasinan State University- Alaminos City Campus)

Elmer Diocares, PhD ( Pangasinan State University-Alaminos City Campus)

Khimberly Jean P. Cabalbag, MEd ( Pangasinan State University-Infanta Campus)

Abstrak

Ang Ang pag-aaral na ito ay nagsuri sa impluwensiya ng kulturang Koreano sa interes at pananaw ng mga mag-aaral sa hayskul. Layunin nitong matukoy ang antas ng kaalaman at interes ng mga mag-aaral sa kulturang Koreano, masuri ang epekto nito sa kanilang pang-araw-araw na gawain, at malaman ang kanilang pananaw hinggil sa paglaganap ng kulturang Koreano sa bansa. Ginamit sa pag-aaral ang deskriptibong kwantitatibong disenyo at convenience sampling sa pagpili ng 113 mag-aaral na kalahok. Isang talatanungan na binubuo ng dalawampung (20) aytem ang ginamit bilang pangunahing instrumento sa pangangalap ng datos. Sinuri ang mga nakuhang datos sa pamamagitan ng weighted mean. Lumabas sa resulta na mataas ang antas ng kaalaman (WM = 3.48) at interes (WM = 3.51) ng mga mag-aaral sa kulturang Koreano. Pinakamataas ang kaalaman sa pamamagitan ng pagkakalantad sa social media at telebisyon, habang ang pinakamataas na interes ay ang pagnanais na makapunta sa South Korea. Gayunpaman, ang epekto nito sa pang-araw-araw na gawain ng mga mag-aaral ay nanatiling hindi tiyak (WM = 3.04), na nagpapahiwatig na hindi pa lubos na nababago ng kulturang Koreano ang kanilang asal, pagpapahalaga, at pamumuhay. Sa usapin ng pananaw, kinilala ng mga mag-aaral na may positibo at negatibong epekto ang kulturang Koreano. Ipinahihiwatig ng pag-aaral na bagama’t malaki ang impluwensiya ng kulturang Koreano sa kaalaman at interes ng mga kabataan, nananatili pa rin ang kanilang kakayahang maging mapanuri at mapanatili ang kanilang pagkakakilanlang Pilipino.

Keywords: wikang Korean, kultura, pambansang pagkakakilanlan

https://zenodo.org/records/21154540

Download PDF

View Full Issue

Submit Here

PUBLICATION GUIDELINES

Open Access Statement

Peer Review Process

Plagiarism Policy

Archiving

Instructions to the Authors

Publication Ethics and Publication Malpractice Statement